l-istima tal-perit + CS + hohoho

Qabel ma nohorgu r-rukell...

Il-bloggata ta' llum hi ddedikata lil Sandro u d-D li hadu hsiebna b'turtiera gajdriet, brébis u chèvre galore, baguette 140 u naqra vino waqt il-visita' taghna f'Belleville f'Parigi (li hi suppost perikoluza imma fil-fatt hi pjuttost gentrifikata u perikoluza daqs tazza xampanja... mhux ser tibda ma' Liège* insomma).

Anita u jien nirringrazzjawkom mill-qalb ta' l-ospitalita' taghkom. Ghalkemm Parigi darsitni ftit ghall-ewwel (turistika wisq u sakemm kont qed nikkontesta kont ta' iktar minn EUR 4 ghal-landa 'juice frisk' hrigt bl-islogan ghat-turisti "Visit Paris - a place for the easily pleased or the easily fleeced"), fl-ahhar sirt inhobbha xorta wahda. Meta wasalt id-dar, ghal xi raguni intfajt nisma lil Bénabar u qghadt attent biex nisma' l-kliem ta' Saturne. Em be...

*Ghawdex jissemma' f'dan ir-rapport ukoll...

----

Ride the mails!

Sibt dan is-sit (couchsurfing.com) - jidher interessanti l-progett. Hemm xi hadd ipprovaha diga din il-bicca xoghol?

----

Hohoho

Il-festi t-tajba lil kullhadd... jekk triduni ser inkun ic-centru (in-nahat ta' Ste-Catherine) niffanga, nisker u nikkonsuma.

----

L-istima tal-perit

BINI #1

Ewlogju ghal forsi l-iktar bini li joghgobni (il-Kunsthaus Graz). Gieli tara bini ma jmurx mal-bini ta' madwaru. Imma meta bini hu bhall-Kunsthaus ta' Graz iebes imur ma' kwalunkwe bini li jista' jkun hemm madwaru. Tani l-istess emozzjonijiet meta rajtu f'rivista bhal meta rajt il-bini ta' Selfridges f'Birmingham l-ewwel darba. M'hemmx x'taghmel - toghgobni l-blobbitettura.

Li nsir perit kienet wahda mill-ideat falluti li kelli (ghax ma segwejtix) - tmur ma' l-ohrajn fil-kexxun ta' ideat falluti jew li qatt ma hdimt fuqhom (fosthom muzicist, attur professjonali u pilota ta' l-ajru). Min jaf l-Archigram - il-grupp li kiteb wiehed mill-iktar kotba importanti fl-istorja ta' l-arkitettura moderna (imma qatt ma thallew jibnu xejn) - jitqisux falluti billi dan kien l-uniku bini li l-kapumastru tal-grupp, Peter Cook, hallewh jibdni.

Kienu kontra r-rettangoli ghax kienu jirragunaw, b'mod mhux totalment illogiku imma xi naqra kooky xorta wahda, li ma kienx hemm raguni logika ghalfejn tibni kollox f'forma rettangolari: kieku ghalfejn il-fniek ma kinux burrow rettangolari jew in-neandertal jghix/jibni kaverni kwadri? Li ma tantx kienu dilettanti tar-rettangoli hi haga pjuttost evidenti mill-Kunsthaus...

LINKS: Sit ta' l-Archigram, Ktieb ta' l-Archigram (amazon), Kunsthaus Graz (serje tal-Flickr).

BINI #2

Bini iehor li joghgobni hafna hu (wait for it) l-Atomium ghax nahseb tant hu rapprezentattiv taz-zmien li fih inbena u barra minn hekk kull ma rrid naghmel naqbad tram biex narah. Kien zmien meta ma kinux jitwerwru minn ideat godda. M'ilux kont is-suq tal-brieghad u xtrajt Viewmaster u reel ta' l-Expo 58 li b'mod pjuttost innocenti kien jghid "daring architecture! gay life around the pavillions!". Ma kienx zmien hazin ghall-muzika elettronika b'Stockhausen, Xenakis u Edgard Varèse mhux biss imhallsa minn labels enormi biex jikkomponu imma dawn l-istess labels bnewlhom paviljun apposta... xoghol Le Corbusier li qal (b'mod forsi harira pretenzjuz):

"I will not make a pavilion for you but an Electronic Poem and a vessel containing the poem; light, color image, rhythm and sound joined together in an organic synthesis."

X'kien ghaddej dak iz-zmien meta kulhadd kien mohhu jiskopri l-ispazju, jibni magni godda u arkitettura bhal qatt ma saret qabel u jhallas il-kompozituri biex jaghmlu hafna hsejjes strambi minflok tralala?