bartleby, lo scrivano

Hemm min, u nahseb hawn jaqbel il-karattru skrivan fi ktieb ta' Fernando Pessoa, twieled biex ikun employé administratif, li f'dan it-test ser nuza l-kelma "skrivan" biex niddeskrivih. Jien nahseb wiehed minn dawk. Ix-xoghol tieghi, kif tistghu timmaginaw, mhux xi wiehed jentuzjasmani wisq imma lanqas idejjaqni hafna. Mhux biex niftahar imma jien pjuttost tajjeb fih. Snin ta' esperjenza, minn meta kont semplici skrivan ghall-meta ilhaqt l-everest tal-karriera tieghi u sirt purchasing manager (hah!), ghallmuni li trid tkun efficjenti u attent fuq ix-xoghol biex mohhok ma jigix disturbat iktar tard meta tkun qed tahseb fuq id-dizinn ta' qoxra ta' CD jew dwar jekk hux ahjar tissellef camera tas-super8 (idea hazina ghax trid thallas kemm ghandha dejn Malta seba' darbiet biex tixtri naqra film dan l-ahhar, grazzi ghall-Kodak) jew miniDV?

Twelidt f'familja li donnha maghmula biex twelled l-iskrivana jew l-egzekutivz: in-nannu kien machine operator f'fabbrika u wara sar negozjant, in-nannu l-iehor kaxxier f'supermarket, missieri jahdem mac-civil, ommi kap ta' skola. Kollha estremament iddedikati ghal xogholhom (iva - qed nevita l-kelma workaholics). Kulhadd saqajh ma' l-art u hadd minnhom qatt ma tela' fuq palk jew qabad pinzel b'idejh. Barra minn hekk kont nghaddi hafna hin fl-ufficini meta kont zghir (ma' missieri) allura l-ambjent ta' l-ufficini, partikolarment dawk tal-gvern, id-dinja ta' l-ufficini, ic-cajt bazwi tal-kollegi, it-timbri li jghidu "RECEIVED ON [date]" u fornituri ta' l-ufficcju bil-marka "G.M." fuqhom huma parti ta' l-infanzja tieghi daqs Galaxy Express 999 jew il-Family Computer/Micro Genius.

Nghir ghal nies bhal siehbi Floris, zghir u entuzjast jistudja l-iskola tal-films u li l-hin kollu jhokk rasu qisha rasu qed tigi invazata minn tliet qamliet fihom daqs bettieha u li donnu f'hajtu qatt ma haseb li biex tghix trid taqla' l-flus. Jien kont dejjem wisq rasi fuq ghonqi biex, u meta ipprovajt "nahrab", kont nibza' mmur 'l boghod hafna u kelli mmur lura b'denbi bejn saqajja.

U naqra dak il-ktieb ta' Pessoa nara kemm jien bhalu, imma ftit inqas misthi, ftit iktar socjevoli, ftit iktar "jolly" insomma. Il-films u d-diski xorta naghmilhom u mmexxi xorta wahda. L-ideat li ghandi dan l-ahhar li nbiddel ftit it-triq, nitlaq kollox u immur naqra La Cambre jew Sint-Lucas (ghandi ideat imma ma nafx ezatt kif insehhhom fuq pjan tekniku) biex insir il-Matt McCormick* tal-Belgju/Malta se jsehhu? Kwazi m'ghandi l-ebda dubju li le. Imma ideat helwin biex izommuli kumpanija sakemm fil-futur nerga' niccekkja li l-figuri li dahhal il-junior purchasing clerk il-gdid jaqblu ma' l-istimi li ppreparajt jien, jew kienx wisq ikkoncentrat fuq l-istrip ta' llum ta' Dilbert biex ikun hawn mohhu hawn illum...

Il-problema hi li mewta ta' skrivan mhux mewta denja. Mewta denja hi wahda ta' poeta, ta' artist, ta' politikant. Kulhadd irid jibqa' b'ismu miktub fl-istorja wara l-mewt. X'inhu l-punt? Mhux ahjar tghix ghall-hajja milli ghall-glorja ta' wara l-mewt u thalli l-hajja tiskorri kif tixtieqha tiskorri bla ma ssabbat fuqha biex tbiddilha? Ghala tissielet kontra l-hajja? Calma e sangue freddo.

*Rajt l-ewwel film tieghu l-bierah u ghogobni hafna, ghalkemm ahna t-tlieta - cioe Anita, jien u David (li ghandu lehnu 'kemmxejn iwassal') konna msiktta qabel ma beda l-film minn duttur u skalda fis-sorm li kien bilqieghda quddiemna li kien iktar fitt u "anal" minn Sir Elton John...