xemx, wisq qarrieqa

i.

inhobb ix-xemx imma ma nistax ghalijha s-shana. naqra ta' problema dik - naqra ta' problema ukoll li ghaddeja heatwave minn fuq Brussell u xemx illum bi hsiebha taghmel l-almu taghha biex taqbez il-35 grad celsius.

granet bhal dawk fejn ghall-inqas haga tkun trid toqtol dak li jkun qisek wiehed mill-bosta karattri f'Elephant ta' Alan Clarke jew tisplodilhom bhad-dar f'Zabriskie Point. Imma l'indolenza twaqqfek milli anke biss tkellimhom hazin.

u n-nies jghidulek how's the weather there, minghalihom ser tghidilhom li qisu s-set tar-riklam tal-Kinder Pinguì, qed immorru x-xoghol fuq is-silg u nizirhu.

u jien il-bierah gietni xewqa inqum minn posti, naqbad karta tal-congé, nimliha u nitlaq dak il-hin stess lejn De Haan aan Zee jew Wenduine (fejn hemm waqfa tal-Kusttram jisimha "Wenduine Sunparks" - xi trid iktar?). Imma le - jien bniedem responsabbli, rasu fuq ghonqu u bqajt f'posti f'xemx taqli l-grieden nikteb dwar Blair u shabu minflok nimxi fuq ir-ramel.

min bil-flirt fatigue, min bil-blogg fatigue, min - bhali - irid jahrab l'hemm. ja qatta xjuh! is-shana li ttik xebgha voglie, xeba ideat imbghad ma' thallikx twettaqhom? ix-xemx li tahti kollox?


ii.

Illum jien hu ghaddej minn kwartier ta' predominanza vietnamita nhares 'l fuq u nara ristorant jismu "Apocalypse" (u miktuba bil-font u fl-istil tal-film biex tghaxxaq l-alla). Kif il-madonna waslu biex semmew ir-ristorant taghhom hekk... orrajt meta tispicca l-ismijiet normali tipo Le Jardin du Vietnam jew Aux Saveurs de Saigon forsi ma tantx hemm fejn timrah bl-imaginazzjoni imma Apocalypse? Prosit hej, Phon Thi Oanh!


iii.

Imma forsi xorta dejjem ahjar minn dan il-bar f'Madrid. Grazzi noel...



Qed nistennew li jifthu xi fergha Malta - possibbilment hdejn il-qorti, ikun hit ma' l-avukati nimmagina.